Damdamin.

Bakit nga ba hindi natin naririnig,

Patak ng luhang may nais ipahatid?

Mensaheng wala pang nakababatid,

Wala na bang lakas, kanyang tinig?

Damdaming sadyang nag-uumapaw,

Damdaming sadyang di mapapanaw,

Sa ating harapan, sa ‘ti’y sumisigaw,

Bakit nga ba hindi natin matanaw?

Hirap, luha, pighating walang hanggan,

Sa ating mundo’y ating makakamtan,

Tunay, tunay, di nga natin ito maiiwasan,

Pagkat ito sa daigdig ang sa ati’y nakalaan.

Kailan nga ba natin mararamdaman,

Ang tunay na ligaya’t kapayapaan?

Pangarap na matagal nang nais maratnan,

Ito nga ba’y atin pang makakamtan?

Ikaw Lamang (Awit para sa FILIP13)

(hango sa himig ng White Love Story:

Coffee Prince OST)

I

Di mawala sa isipan ko

Alaala ng ating pinagsamahan

Sa aking isipan

Laging ikaw ang hanap

II

Nais ko mna malaman mo

Walang hanggan

ang tunay na nararamdaman ko

para sa’yo, o giliw ko

Koro:

Ang pag-ibig ko

ay para lang sa iyo

Sana ay dinggin ang awit ko

O ikaw lamang

ang tanging nasa puso ko

Huwag nawa sana

akong iiwan nang nag-iisa

Ikaw lamang

Ang tanging iibigin ko

III

Aking kinatatakutan

‘Di malaman

kung ano ang aking gagawin

kung ika’y malayo sa akin

(Ulitin ang Koro)

Koda:

O ikaw lang ang

tanging nilalaman ng isip ko

Ikaw lamang

Ang tangi sa buhay ko

Ang tanging iibigin ko